Psa 67 | YON | STEP | Yook ambo bi ye karub yeman. Nongbed wangki yemaniib. Yook, God yaningko kankooni yook kui. God, eb nub yaa mimyob keende amun kerunde, eb murubia kuu nub yaa konde. Selah

Psalms 67

Yook 67

Yook ambo bi ye karub yeman. Nongbed wangki yemaniib. Yook, God yaningko kankooni yook kui.

1 God, eb nub yaa mimyob keende amun kerunde,
eb murubia kuu nub yaa konde.Selah
2 Kwananeebkob eb dowaken okad yiri ye ambibkin koremdan yaa kuu yikaadkeraniib,
kwane ambibkin korem kuu bobni yaa burudande bindi ye kiwaan ebbed ongmewen kuu wedme yikaadkeraniib.
3 O God, ewaningko kuu ambibkin koremdan kankoonime,
ambibkin koremdan kuu ewaningko kankoonime.
4 Ambibkin koremdan kuu kubenib kubi yookiib wingkime,
amborom kuu ebbed nimakarub korem yaa kuu kangdommo wengyundeneb,
okad yiri ye ambibkin koremdan kuu ebbed ben kinban winimaab kowe.Selah
5 O God, ewaningko kuu ambibkin koremdan kankoonime,
ambibkin koremdan kuu ewaningko kankoonime.
6 Okad kuu animan kab ire amnoon,
God, nub God, yembed nub yaa amun kerundoon kui.
7 Godbed nub yaa amun kerundoon,
kowe okad kunaya kunaya nimakarub korem kuu ye yaa bumangke unaniib.